Bear In Heaven

Bear In Heaven 

- 

Beast Rest Fourth Mouth

(2009)

lastfm 

myspace

არ შეიძლება ასეთი ჯგუფების აღმოჩენა მაინცდამაინც მაშინ, როცა თავზე საყრელად გაქ საქმე. როცა კოპენჰაგენში ჩვენ და ჩვენს შვილებს მომავალს გვისპობენ, როცა ირანი ახალ 'იადერულ' იარაღს ამზადებს, ხოლო ფეისბუქი ახალ-ახალ აპლიკაციებს. როცა უნიშიც სემესტრი დასასრულს უახლოვდება და რაც გისწავლია და არ გისწავლია აქამდე, ყველაფრის თავში აზელა მოგიწევს მალე. როცა როცა! ასეთ დროს უნდა დაჯდე და უსმინო ოლდიებს, უკვე second hand არტისტებს, სვა კოკა-კოლა და დაიჯერო რო ყველაფერი კარგად იქნება. ოდესმე. სადმე. რომ არც შენ დაგემართება ამდენი უმიზნო და უმიზეზო უძილობებით რამე ქრონიკულ-დისტროფიკული და არც შენს დაუძლურებულ მაგიდის ლამპას, შიგადაშიგ ზზზზზზ ხმებს რო გამოსცემს შუაღამისას და თევზებსაც უფრთხობს ძილს. 

ასეთი ჯგუფების აღმოჩენა ასეთი გაჭირვების ჟამს სწორედ რომ კანონით უნდა იკრძალებოდეს! მაგრამ ჰოი, რომ არც კოდექსი გვივარგა ქართველობას და შესაბამისი კანონი არ მოიძებნება ჩვენს სამოქალაქო სამართლის კანონთა კრებულში. 

და კიდე კაი, რო არ მოიძებნება! თორე მერე უფროსი ძმა ყველა  იმ არხს დახურავდა, საიდანაც ალბომი ჟონავს. არც ბენდზე გვექნებოდა რაიმე ინფო და თუ მოხდებოდა სასწაული და ლასტფმი მის რისხვას გადაურჩებოდა, Bear In Heavenის პროფილს მაინც  ნამდვილად ვერ წავაწყდებოდით მის გვერდებზე. საუკეთესო ვარიანტში ვიქნებოდით მხოლოდ ჩვენ და ფრენკ სინატრა. ფრენკ სინატრა და ჩვენ.  დავწერდით ქუიზებს, ვივლიდით არჩევნებზე, ეიზენჰაუერს ხმას მაინც არ მივცემდით, გვეყვარებოდა ერთმანეთი და თამაზ გოგიჩაიშვილი. დავიწყებდით მუშაობას, ან შევიძენდით ველოსიპედს. წავიდოდით კუკუშკით ბაკურიანში და კეკლუცადაც ვიკისკისებდით. სანსა ფლეირებსაც წავიღებდით შიგ ჩაწერილი bear in heavenით, არც დიდი გამყინვარება მოხდებოდა და არც გლობალური დათბობა.  

  ახლა კი ფრენკ სინატრას ბიოგრაფიას შეიძლება ვიკიპედიაზე სასხვათაშორისოდაც გაეცნოს კაცი. ზეციური დათვის შესახებაც კარგის მეტი რა ეწერება ვიკიპედიაზე,  ბოლოსდაბოლოს ესეც პიჭფორკის მიერ ბესთ ნიუ მიუზიქად აღიარებული ნაწარმია! და არცთუ უსაფუძვლოდ აღიარებული.  ალბომი ბრუკლინური ჯგუფისთვის რიგით მეორეა და ბრწყინვალლე. თითოეული ტრეკიც კი იმდენად ახალი და რაღაცნაირია :D, და იმდენად ფართე ჟანრობრივი დიაპაზონით ხასიათდება  (აი თაგები თუ არ გჯერათ), რო აზრზე მოსასვლელად, დასაფიქრებლად და გადაწყვეტილების მისაღებად დროც დაგჭირდება ადამიანს.  

ჯერჯერობით You Do You, Lovesick Teenagers, Fake Out და Casual Goodbye-ზე ვარ ჩაციკლული. იმდენად მელოდიური+ ზე-სივრცითი, ზე-ქეჩი, მომენტებში ისტერიულიც და ზე-ხარისხიანი სიმღერებია რო უკვე ვიცი, 3 სეზონს გამიძლებს მინიმუმ. 

გასინჯეთ თქვენც თუგინდათ სანამ ახალი წელი მოსულა

trackebi:

1.  Beast In Peace               4:16
2.  Wholehearted  Mess  3:02
3. You Do You                    3:43
4.  Lovesick Teenagers   3:15
5.  Ultimate Satisfaction 4:25
6.  Dust Cloud                       5:58
7.  Drug A Wheel                 3:14
8.  Deafening Love             4:54
9.  Fake Out                           3:14
10. Casual Goodbye           4:48

ClickClick

ImmortalClickClick

       

                                      

           

The Big Pink

The Big Pink 

          -

A Brief History

       Of Love

        (2009)

lastfm

myspace

(შედით სფეისზე არ ინანებთ)

ალბათ ყველა ჭეშმარიტი მელომანი კარგად იცნობს 60-70-80იანების კანადურ როკ ჯგუფს, Capitol Recordsის ლეიბლზე მოღვაწე The Band-ს. ალბათ, ყველა ჭეშმარიტ მელომანს მათი ფირფიტა (თუ ჭეშმარიტ მელომანებს ვინილები აქვთ, მე მაპატიეთ) ექნება სახლში, და როგორც მინიმუმ ერთი ალბომი და ერთი ლაივ ჩანაწერი, ფოთის პორტიდან კონტრაბანდით ჩამოტანილი. და პრაიგრივაწელის ნემსი გაფუჭებული რო არ ჰქონდეს, ყველა ჭეშმარიტი მელომანი დღესაც სიამოვნებით მოუსმენდა მათ ალბომს. სამწუხაროა, რომ მაშინდელი ნამდვილი ნემსები დღეს მშრალ ხიდზეც კი აღარ იშოვება უკვე. 

ჰოდა, მეგობრებო, თუკი ჭეშმარიტი მელომნობის რაღაც თქვენც გცხიათ, ჩემგან არ გესწავლებათ ზემოთაღნიშნული ბედნის დისკოგრაფია. შესაბამისად, ყველას გეცოდინებათ, რომ მათი სადებიუტო ალბომი Music From Big Pink-ის სახელწოდებითაა ცნობილი და გამოიყურება ასე

და რაოდენ სასიხარულო აღმოჩნდება ალბათ ის ფაქტი თქვენთვის, რომ ჩემ მიერ შემოთავაზებული ბენდის წევრებიც სვორედ რომ ჭეშმარიტი მელომანების ოჯახებში გაზრდილი ყმაწვილები არიან! სამწუხაროდ, თვიტონ კი უვარგისები და სრული ფუქსავატები გამოდგნენ. ერთ-ერთი მათგანი თაროების დალაგებისას გადააწყდა თურმე ზემოთხსენებულ ალბომს. იფიქრა, ჩემ ჯგუფს Big Pink-ს დავარქმევო და დაარქვა. ერთი ისაა, რო ინგლისურმა ტრადიციამ წინ the არტიკლის დართვა მოითხოვა, თორე სხვა ყველაფერი 5იანზე გამოვიდა.  აქ კი ჭეშმარიტი მელომნების სიხარული იმედგაცრუებით იცვლება, რადგან ამ ახალგაზრდა  ბენდს იმ Band-თან სახელის გარდა სხვამხრივ  საერთო არაფერი აქვს. ეგ კი არა, მოსმენილიც არ აქვთ. არც მე.

ეს ჩვენი ბენდი, მეტსახელად The Big Pink, 2007 წელს ჩამოყალიბდა წმინდაწყლის ინგლისელი Robbie Urzeსა და  ასევე წმინდაწყლის ინგლისელი Milo Cordellის მიერ. ახალბედა და გამხურებელი ბენდის სტატუსით ისეთ კორიფე ჯგუფებთან უვლიათ ტურებზე, როგორებიცაა TV on the Radio, Florence & The Machine (ნუ ჯგუფი ნაკლებად, მარა გავატაროთ), Crystal Castles და Klaxons.

წინამდებარე ალბომი ბიჭებისთვის სადებიუტოა, და ჩაწერილია ნიუ-იორკში, თუმცა მათთვის ეროვნებ-წარმომავლობის ღალატში მაინც არავის დაუდია ბრალი. ალბომის სახელი კრეატიულობით ვერ დაიკვეხნის და მეტიც, ვენესუელური სერიალის სახელსაც მოგვაგონებს. (აბა რა ინდი-ბენდის საკადრისია - " სიყვარულის მოკლე ისტორია"!) გულდათუთქული ლავსონგებიც ოხრად არის ალბომში, მარა ესეც ეპატიებათ ჩემგან. ბოლოსდაბოლოს, " it's the best they can do without saying they love". სამაგიეროდ, ჟღერადობა და მელოდიაა ოოოო!! მოშუგეიზო ელექტრონიკა, თუ ელექტრონული შუგეიზი მნიშვნელობა არ აქვს. მაგრამ ფაქტია, ორივე სიტყვა ხაზგასმით და ცალ-ცალკე უნდა აღნიშნო მათ დასახასიათებლად. სასურველია დამარცვლითაც.

ჰოდა აგერ ალბომიც

trakebi:

1. Crystal Visionsc (ბაგარი opener-ი)
2. Too Young To Love
3. Dominos
4. Love In Vain (if you really love him then tell me that you love him again and go ვოტ)
5. At War With The Sun
6. Velvet
7. Golden Pendulum
8. Frisk
9. A Brief History Of Love
10. Tonight
11. Countbackwards From Ten

ჰო მართლა, ჭეშმარიტი ძილით ვისაც უძინია ავტობუსში, ის კარგად გამიგებს, რატომ გავაფრინე ასე ძალიან ამათზე.. ავტობუსში ჭეშმარიტი ძილი ის უბრალო პრიმიტიული ძილი არ გეგონოთ მეგობრებო - ბორბალთან შემაღლებულ სკამზე მეგობრის მხარზე რო ჩამოდებ თავს და ნაუშნიკებსაც წინასწარ მოირგებ ყურებზე ამ პოზისთვის. არავითარ შემთხვევაში! ავტობუსში ჭეშმარიტი ძილი მაშინ გაკითხავს, როცა თბილისის ათასჯერგადათხრილ და მაინც ოღრო-ჩოღრო გზებზე, გახევებულ მწვანე სკამზე მარტო მჯდომს და ფანჯარაზე თავმიყრდნობილს (უმოწყალოდ რომ გარახუნებინებს მინაზე თავს მძღოლი, ტრანსპორტი, გზა თუ მუხთალი წუთისოფელი) ჩაგეძინება და სიზმრად ბილეთის კaნტრaლიორების ნახვასაც მოასწრებ. გამოღვიძებული კი აღმოაჩენ, რომ ბილეთი მაგრად ჩაგიბღუჯავს ორივე ხელში, ყურებში კი ისევ ის სიმღერა ტრიალებს, რაზეც ჩაგეძინა.

სწორედ ამ დროსაა რეკომენდებული The Big Pink ყველაზე მეტად. თუმცა, რატომ, მაინც ვერ ვაყალიბებ. მაგრამ ერთი რამ ცხადია - თუკი გეძინებათ და ეს ბენდი დაძინებაში ხელს გიშლით - ლოგიკურად თავისი ხმაუროანობის გამო, - ეს იმას ნიშნავს, რომ ჭეშმარიტად არ გეძინებათ.

პლუტარქე

ClickClick

Immortalclickclick

                                 

                                    

                                              

Detektivbyrån

'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''


Detektivbyrån
-
Hemvägen EP (2007)


detektivbyran.net

last.fm

myspace




ადრე ჩამთვის რო გეკითხათ ფრანგულ მუსიკას ვერ ვიტანდი, ცალკე აკორდეონის წრიპინს და ცალკე ენის თხონთხონებს და ჟჟ ჟჟჟ ებს(ფრანგულის აზრზეარვარ და ასე აღვიქვამ) და თურმე ეს ზიზღი მარტო ენის გამო მქონია, ამას Detektivbyrånის მოსმენის მერე მიხვდი. არადა შვედები არიან Gothenburgიდან(ქართულად არც მეტი არც ნაკლები გეტებორგი ყოფილა) Anders Flanders, Martin Molin და Jon Nils Emanuel Ekström. ბავშვობიდან ერთად ვართო, 12წელია მუსიკას ვაკეთებთო და საერთოდ თუ შეხვალთ ოფიციალურ ვებსაიტზე და ბიოგრაფიას ნახავთ არ ინანებთ ;;) ლასტზე და ვიკიზე უუუუუუმშრალესად წერია ინფო და თვითონ ისე კარგად უწერიათ ყველაფერი, 1 პატარა აბზაცში, გადმოთარგმნას რააზრიაქ, ისე ორიგინალში ჯობია ნახვა :დ (წიგნი ან ფილმი არ იყოს ესეც, მარა აი რო ნახავთ მიხვდებით;)) http://www.detektivbyran.net/worldofdetektivbyran/biography.html


(ვინმემ იქნებ იცოდეს რანაირად უკრავს აი ეს ტიპი, ამ ვიდეოს ნახვამდე გოგო რო მეგონა ის)











ალბათ 2001ში Gothenburgის გაფიცვებში ესენიც იღებდნენ მონაწილეობას
trakebi

1 E18
2. Hemvägen
3. Nattöppet
4. Monster
5. Dansbanan
6. Granmon
7. Vänerhavet

clickclick

immortalclickclick

Borko

Borko -
Celebrating Life
(2008)


lastfm


myspace









ლასტფმზე ამ ადამიანის შესახებ ცნობები ასე იწყება:
"ბიორნ კრისტიანსონი იგივე ბორკო არის ისლანდიელი მუსიკოსი რომელიც სვით პოპ-მელოდიებს კარგად უხამებსო ჭკვიან და ხანდახან რაღაცნაირ bulky ელექტრონულ საუნდსო. "
ეს წინადადება რო წავიკითხე, მივხვდი, რომ ქართულ ენაში "ჭკვიანი საუნდი" ძაან სულელურად ჟღერს. :/ ალბომს რო უსმენ და აღფრთოვანების შეძახილი აღმოგხდება: რა ჭკვიანი საუნდი აქვს! :D არა რამე უნდა ვქნათ და მოვუხერხოთ ამ ტერმინს.
მოკლედ, რაც მთავარია, ბორკო ნამდვილად ისლანდიელი მუსიკოსია, და ნამდვილად კარგი მუსიკოსი. ალბათ ჭკვიანიც არის, რახან ჭკვიან საუნდებს შეჭიდებია. თან მუსიკის მასწავლებლად მუშაობს თურმე და ალბათ როგორ უყვართ ბავშვებს... დარწმუნებული ვარ, ფეხებში ფრჩხილებს არ არჭობს მოსწავლეებს და აი ასეთი ღრმა ბგერა მომეციო არ ეუბნება :/
ჰო, თან მაიონეზი ყვარებია (მართლა!) და უმცირესობების უფლებებს იცავს. ოღონდ კონკრეტულად რომელი უმცირესობების, არ ვიცი.
ჰოდა პირველად, კარგი დრო რომ იყო და ლასტფმი უფასოდ გვასმენინებდა რადიოს, მაშინ წავაწყდი რომელიღაც რადიოში dingdong kingdom-ს და მომეწონა და დღესაც ალბათ ეს სიმღერა მირჩევნია ალბომში ყველას.
ალბომის დასაწყისმა და აააააა-ებმა არ შეგაშინოთ. ალბომი ძირითადად ჭკვიანი კომპოზიციებისგან შედგება და თითქმის ყველა კომპოზიციაში ხშირად ვოკალის ადგილას გაურკვეველი ბგერების ჰარმონია ისმის. შიგადაშიგ შოზოფრენიკული მონოლოგის მსგავსი რაღაც ისლანდიური ლაპარაკიც. ერთი სიტყვით, პირველ მოსმენაზე თუ არა, მეორეზე შეყვარება გარანტირებულია!! აი ეხლაც ვუსმენ და ვრწმუნდები, რომ ბორკო მართლაც ჭკვიანია და ლამაზ მუსიკას ქმნის!
ეს მისი სადებიუტო ალბომია, თარიღდება 2008 წლით და ქვია celebrating life. აშკარად ამის თარგმანიც სულელურად ჟრერს ქართულად და ერთი პატარა რემონტი მგონი არ აწყენდა ჩვენ ენას.

trakebi

					1. Continental Love 2. Spoonstabber 3. Shoobaba 4. Sushi Stakeout 5. Dingdong Kingdom 6. Summer Logic 7. Doo Doo Doo 8. Hondo & Borko
					immortalclickclick